Taarifa kutoka Zanzibar Pandri Ancelmo Mwang’amba wa kanisa Katoliki Zanzibar amemwagiwa tindikali na watu wasiofahamika akiwa anatoka kwenye huduma ya internet. Taarifa kutoka kwa muhusika wa internet cafe hiyo, pandre Ancelmo alitoka baada ya kumaliza huduma yake na mara ghafla aliingia tena ndani ya cafe huku akiwa amejishika uso, mara mtu mmoja kuingia na kusema kwamba mzee huyu amemwagiwa tindikali.
Baadhi ya watu wakamkimbiza pandri Ancelmo kwenye hospitali kuu ya Zanzibar Mnazi mmoja kwenda kupata huduma ya kwanza. Madaktari wanasema tindikali hiyo amemwagiwa sehemu za usoni na kwenye kifua.Pandre Ancelmo anafanya kazi kwenye kituo cha kulelea vijana ambacho kipo chini ya kanisa Katoliki
Hili linakuwa ni tukio la tano la mtu kumwagiwa tindikali ndani ya Zanzibar baada ya Mkurugenzi wa manispaa Rashid Ally,Katibu wa Mufti,Raia wa wawili wa uingereza na hadi hivi sasa hakuna mtu aliyekamatwa juu ya matukio haya.
